کربلائی نظم

کربلائی نظم

 

کربلا یعنی  منار_ نور_ حق

کربلا یعنی دیار_ نور_ حق 

 

کربلا یعنی دعا سے رابطہ

کربلا یعنی خدا سے رابطہ

 

کربلا یعنی محاز_ عشق ہے

کربلا یعنی نماز_ عشق ہے

 

کربلا یعنی شرف شبیر کا

کربلا یعنی ہدف شبیر کا

 

کربلا یعنی شباب_ دین_ حق

کربلا یعنی نصاب_ دین_ حق

 

کربلا یعنی اطاعت کا چراغ

کربلا یعنی بصیرت کا چراغ

 

کربلا یعنی اساس_ انقلاب

کربلا یعنی کلاس_ انقلاب

 

کربلا یعنی اذان انقلاب

کربلا یعنی زبان انقلاب

 

کربلا یعنی تمیز_ خیر و شر

کربلا یعنہ ستیز_ خیر و شر

 

کربلا یعنی حیات_ معرفت

کربلا یعنی ممات_ معرفت

 

کربلا یعنی دلیل_ منفرد

کربلا یعنی سبیل_ منفرد

 

کربلا یعنی کلام_ حریت

کربلا یعنی پیام_ حریت

 

کربلا یعنی بقائے لا الہ

کربلا یعنی بنائے لا الہ

 

کربلا یعنی امام_ حق پرست

کربلا یعنی قیام حق پرست

 

کربلا یعنی بہار_ بندگی

کربلا یعنی شعار_ بندگی

 

کربلا یعنی ظہور_ دوستاں

کربلا یعنی حضور_ دوساں

 

 کربلا یعنی سرشت_ عاشقاں

کربلا یعنی بہشت_ عاشقاں

 

کربلا یعنی نبوت کا بھرم

کربلا یعنی امامت کا بھرم

 

کربلا یعنی دعائے با وفا

کربلا یعنی وفائے با وفا

 

کربلا یعنی ستم کی انتہا

کربلا یعنی کرم کی انتہا

 

کربلا یعنی خیال_ فاطمہ ع

کربلا یعنی کمال_ فاطمہ ع

 

کربلا یعنی جمال_ زینبی ع

کربلا یعنی جلال_ زینبی ع

 

کربلا یعنی مصائب کا سفر

کربلا یعنی غرائب کا سفر

 

کربلا یعنی صدائے بے کساں

کربلا یعنی بکائے بے کساں

 

کربلا یعنی تصادم کی خبر

کربلا یعنی تبسم کی خبر

 

کربلا یعنی نجات_ آدمی

کربلا یعنی حیات_ آدمی

 

کربلا یعنی رضائے کبریا

کربلا یعنی لقائے کبریا

 

کربلا یعنی نوائے مغفرت

کربلا یعنی دعائے مغفرت

 

کربلا یعنی حسینی انقلاب

کربلا یعنی خمینی انقلاب

 

کربلا یعنی سزائے تیرگی

کربلا یعنی فنائے تیرگی

 

 

 کلام:محمد ابراہیم نوری 

 

 

 

 

 

 

 

 

 

 

چلو غدیر چلو

غدیری منقبت

 

بپا ہے جشن_ ولایت، چلو غدیر چلو

اگر علی سے ہے الفت، چلو غدیر چلو

 

کھلا ہوا ہے یہاں مے کدہ ولایت کا

برائے جام_ولایت، چلو غدیر چلو

 

بنے گا منبر_ پالان خم کے میداں میں

یہی ہے رب کی مشیت، چلو غدیر چلو

 

ہیں منکران_ ولائے علی وہاں موجود

جلانے انکی طبیعت، چلو غدیر چلو

 

لگایا نعرہء بخ غدیر میں کس نے؟

کھلے گی یہ بھی حقیقت، چلو غدیر چلو

 

علی خلیفہء برحق ہیں بعد_ ختم_ رسل

دلیل کی ہے جو حاجت، چلو غدیر چلو

 

ہر ایک پا نہیں سکتا ولایت_ حیدر

اگر ہےدل میں طہارت، چلو غدیر چلو

 

اگر ہو دیکھنا انجام_ منکر_ مولا

حجر سے ہوگی ہلاکت، چلو غدیر چلو

 

بنا ولائے علی سب عبادتیں ہیں عبث

قبول ہوگی عبادت، چلو غدیر چلو

 

کبھی نہ آئے گی نوبت قیاس کی نوری

 نبی سے لینے ہدایت، چلو غدیر چلو

 

کلام محمد ابراہیم نوری

 

 

 

 

رب قدیر سے

نعمت ہمیں ملی ہے یہ رب قدیر سے

پی ہے شراب عشق علی ماں کے شیر سے

 

ہے وہ حلال زادہ بقول محمدی 

کرتا ہے عشق جو بھی جناب امیر سے

 

کیسا عجیب فلسفہء عشق ہے ترا

الفت نبی سے بغض نبی کے وزیر سے

 

مولا ہیں میرے بعد تمہارا یہی علی

خم میں کہا نبی نے یہ جم غفیر سے

 

بتلاوں کیوں ہے دور سقیفہ غدیر سے

شر تو رہے گا دور ہی خیر کثیر سے

 

میں نے جواب باب سلونی سے لے لئے

اب کیوں ڈروں گا پرسش منکر،نکیر سے

 

اس شخص کے نصیب میں راہ ہدی نہیں

نوری جو دین سیکھے سقیفائی پیر سے

فخر شمال

خراج عقیدت

 

"فخر اہل شمال تھے حشمت"

 

آدم خوش خصال تھے حشمت

شاعر بے مثال تھے حشمت

 

نام:حشمت کمال الہامی

ذی حشم، ذی کمال تھے حشمت

 

ان کے چہرے کی مسکراہٹ سے

تھا عیاں،خوش بحال تھے حشمت

 

ان کے شعر و سخن سے آئی صدا

 نوری شیریں مقال تھے حشمت

 

صرف باشندہء شمال نہ تھے

فخر اہل شمال تھے حشمت

 

عشق آل_ نبی کی دولت سے

دھر میں مالا مال تھے حشمت

 

دی جنہوں نے اذان_مدح_ علی ع

ہاں وہ نوری بلال تھے حشمت

 

09360903756

محمد ابراہیم نوری قمی

 

منقبت غدیری

منقبت غدیری

 

تم غدیری ہو زمانے کو بتانا چاہئیے

زیب لب "من کنت مولا" کا قصیدہ چاہئیے

 

کون مومن ہے منافق پے پرکھنے کے لئے

برسر_ محفل علی کا ذکر کرنا چاہیے

 

نامہء اعمال کی مقبولیت کے واسطے

بس ولائے مرتضی کا اس پہ ٹھپہ چاہئیے

 

شہر علم مصطفی میں داخلہ کے واسطے

باب علم مصطفی کو کھٹکھٹانا چاہیے

 

یہ زبان حال سے کعبہ نے شق ہو کر کہا

لا مکاں مجھ کو مکیں عمراں کا بیٹا چاہئے

 

دار سے گونجا یہ اعلان _زبان_ میثمی

دل علی کو دو جناں میں گر ٹھکانہ چاہیئے

 

برسر خم یہ محمد سے احد نے کہہ دیا

دین کی تکمیل کا اعلان ہونا چاہیے

 

روز بعثت،ذوالعشیرہ،کربلا،روز غدیر

پڑھ انہیں گر دین احمدکا خلاصہ چاہئے

 

ہم کجا اور معرفت شیر الہی کی کجا

جب پئے عرفان_ قنبر اک زمانہ چاہیے

 

درس یہ بھی دے دیا آل_ محمد ص نے ہمیں

 رن میں ہنسنا اور سر محراب رونا چاہیے

 

اے ادیبو شاعرو رزق بلاغت کے لئے

ہاں تمہیں نہج بلاغہ دل سے پڑھنا چاہئے

 

کعبہ و مولود کعبہ کے عدو پر دوستو

کیوں گرا پتھر زمانے کو بتانا چاہئے

 

تم غدیری ہو تمہیں اسلام کے غدار سے

جتنا ممکن ہو سکے بس دور رہنا چاہیئے

 

مرتضی سے عشق کا اظہار ہی کافی نہیں

ان کے دشمن سے تبرا بھی ہمیشہ چاہئیے

 

مزرع_ قرطاس پر نوری قلم کی نوک سے

عشق آل مصطفی کا بیچ بونا چاہئیے

 

شاعر:محمد ابراہیم نوری

ملک:پاکستان

شہر:اسکردو

[phone]نمبر