رباعی

رباعی

نعت نبی میں جب کبھی لب کھولتا ہے
یہ میرا قلم لفظوں میں رس گھولتا ہے
ہاں دست محمد کا اشارہ  پا کر
چلتے ہیں شجر اور حجر بولتا ہے

بعثت

تیرہ شبی میں حق کی ضیا ہے بعثت
وجہ عروج _عبد خدا ہے بعثت
قرآن  کی  آیات  ہیں   شاہد  نوری
لب ہای خلیلی   کی دعا ہے بعثت

محمد ابراہیم نوری

ثانی زہرا س

 

رباعی

 

یہ بات حقیقت ہے کہانی نہیں ہے

اے ثانئ زہرا  ترا ثانی نہیں ہے

دنیا کو سکھایا غم_شبیر کا ڈھب  

تجھ سا تو عزاداری کا بانی نہیں ہے

زینب ع

رباعی

 

آئینہء اوصاف علی ہیں زینب

زہرا کے گلستاں میں کھلی ہیں زینب

دربار_ ستمگر پہ ہے طاری لرزہ

حیدر کی زباں بول رہی ہیں زینب

بعثت

تیرہ شبی میں حق کی ضیا ہے بعثت

وجہ عروج _عبد خدا ہے بعثت

قرآن  کی  آیات  ہیں   شاہد  نوری

لب ہای خلیلی   کی دعا ہے بعثت