نوری شعر و سخن

یا نبی پڑھ کے خود پہ دم کیجے
دور دل سے ہر اک الم کیجے
 
بے زباں کو ابھی زباں مل جائے
ِاے لسان خدا کرم کیجے

مصحف نعت سامنے رکھ کر
نعت خوانی بہ چشم نم کیجیے

منقبت بھی علئ اکبر کی
باب نعت نبی میں ضم کیجے

خامہء خاکی نعت کیا لکھے
مجھ کو نوری عطا قلم کیجے

دل میں ہے شوق نعت تو سرکو
ابو طالب کے آگے خم کیجیے

شرط ہے یہ برائے نعت نبی
پہلے مدح علی رقم کیجے

ہیں نبی غم گسار غمزدگاں
حشر کا نوری کچھ نہ غم کیجے