فرزند عسکری ع

بسم اللہ الرحمن الرحیم

اللھم صل علی محمد و آل محمد و عجل فرجھم

 

 

   "1"       منقبت یوسف زہرا ع

 

حقیقت  میں اثر  ہے کورئ

 چشم بصیرت کا...

یقیں شیطاں کا ہے، قائل نہیں مھدی کی غیبت کا..

 

ہو ے اشعار نازل ذھن پر الہام  کی صورت..

قصیدہ جب کھبی لکھا ھے اھل بیت عصمت کا...

 

ہماری جنتیں قم کربلا مشہد نجف کعبہ 

ہمارا دلہو کیوں مشتاق اب دیدار جنت کا

 

 

گلستان نبی میں اس گل نرگس کی آمد ہے..

جو ابن عسکری ہے اور خاتم ہے امامت کا...

 

امام عصر کی جس نے نہ کیبہو معرفت حاصل

یقینا مستحق ہوگا وہ مرگ جاہلیت کا

 

امام عصر کا ہرگز سپاہی ہو نھیں سکتا..

نہ ہو جسکو پتہ کچھ بھی نصاب مھدویت کا..

 

وہ  ظاہر  ہونگے غیبت  سے  علم  عباس کا لے کر...

بچھائیں گے مصلی، سطح دریا پر عبادت کا....

 

عریضہ کاغذی کشتی کی   صورت لکھ کے بھیجا ہے....

امام منتظر، ہوں منتظر چشم عنایت کا...

 

حدیث فیکم الثقلین یہ آواز دیتی ہے...

رھے گا ذکر قائم حشر  تک قرآن و عترت کا...

 

خمینی، خامنہ ای، اور

 نصراللہ بنتے ہیں. ..

جو اپناتے ہیں رستہ یوسف زہرا کی طاعت کا....

 

عریضہ لکھ رہا ہوں میں تقاضاے محبت ھے...

میرے مولا کو گرچہ سب پتہ ھے دل کی حالت کا....

 

اگر شیطان بہکاتا ھے انساں کو پس_پرہ...

 کوئی ہادی  ہو پردے میں تقاضا ھے عدالت کا.....

 

 نبی کی آل کا دامن سدا تھامے رھو نوری....

یھی  ساماں ھے بخشش کا وسیلہ ھے شفاعت کا......

 

 

محمد ابراہیم نوری

09360903756 موبائل

 

 

    "2"          فرزند عسکری ع امام مہدی ع

 

قسم  خدا کی ہمارے دل  میں اسی کی   الفت بسی  ہوئی  ہے۔۔۔

اسی کی چاہت  ہی کے دیے سے  تو حجرہء دل میں روشنی ہے۔۔

 

سنا ہے جب سے یہ آنے والا تو نازش حسن یوسفی ہے

خوشی سے اسلام کی زلیخہ کی آنکھ میں آگئ نمی ہے

 

 جو وجہ ایجاد روز و شب ہے،قصیدہ جسکا کتاب رب ہے 

اسی سے منسوب یہ قلم ہے،  اسی کی خاطر یہ شاعری ہے

 

 

 ثنائے مہدی میں، میں یہاں پر قلم سے اشعار لکھ رہا ہوں

وہاں عمارت ملک کے ہاتھوں جناں میں تعمیر ہو رہی ہے

 

 

 وہ جس کی خوشبو سے نیم شعباں کو  سارا عالم مہک رہا ہے۔۔

کھلا ہے جو نرگسی چمن میں وہ گل تو یاس محمدی ہے

 

 

 حدیث معصوم سے عیاں ہے جو غیب میں میر کارواں ہے

قسم خدا کی یہ ساری دنیا اسی کے دم سے بچی ہوئی ہے

 

 جو آتے دیکھا ہے آنے والے کو ساتھ علم کتاب لے کر

 ہر ایک آیت کتاب رب کی بصد خوشی آج کھل اٹھی ہے

 

ہے نام مھدئ دین جس کا ہے ہم لقب جو رسول حق کا

جہاں میں آمد ہوئی ہے اسکی  جو نور چشمان عسکری ہے

 

ہے شمس سے دوستی کا دعوی تو اسکی کرنوں سے  کیوں عداوت۔۔؟

 نہیں ہے عاشق  وہ مصطفی کا جسے بھی عترت سے دشمنی ہے۔۔

 

 ذرا سی چشم کرم ہو مولا حدیث دل کا جواب دینا

ہر ایک روداد، دل کی ہم نے عریضہ لکھ کر بیان کی ہے

 

ادا کرو سجدہ تشکر خلوص دل سے قدم قدم پر

کہ مدح آل بنی سے  عزت تجھے اے نوری بہت ملی ہے

 

 

محمد ابراہیم نوری

09360903756 تلفن ہمراہ

قطعات

علی علیہ السلام

 

تخلیق کائنات کا مقصد علی کی ذات

حقا کہ جزو نور محمد علی کی ذات

آواز دے رہی ہے حدیث محمدی

ایمان اور کفر کی سرحد علی کی ذات

 

محمد ابراہیم نوری

 

مظہر وصف خداوند جلی آیا ہے

بن کے بازوئے نبی کوئی ولی آیا ہے

صد مبارک تجھے از منجانب نوری کعبہ

تری تقدیر جگانے کو علی آیا ہے۔۔۔۔۔

 

علم و ہدا  کی کان ہیں قرآن اور علی

توحید کی اذان  ہیں قرآن اور علی

اپنی زباں کٹا کے یہ میثم بتا گئے

اللہ کی زبان ہیں قرآن اور علی

کر رہا ہے رخ مہدی ع کی تلاوت قرآں

قرآن 
مصدر علم و ھدی، روح شریعت قرآن
 کامیابئ بشر کی ہے ضمانت قرآں۔۔۔۔۔۔۔۔

یہ کسی خاص زمانے سے نہیں ہے مختص
ہر زمانے کے بشر کی ہے ضرورت قرآں

با وضو ہو کے بصد شوق پڑھو صبح ومسا
بہر مخلوق ہے اک نامہء قدرت قرآں۔۔۔۔۔۔۔۔۔

  نعرہ احمد کی محبت کا ہے جنکے لب پر
ان سے کرتا ہے تقاضائے اطاعت قرآں۔۔۔۔۔

بیر ہےآل محمد سے تو پڑھتے کیوں ہو؟
سیرت آل نبی کی ہے وضاحت قرآں۔۔۔۔۔

"خود بدلتے نہیں قرآں کو بدل دیتے ہیں"
جو سمجھ پائے نہیں تیری حقیقت قرآں

یہ تو زندوں کی ہدایت کے لئے آیا تھا
لوگ کرنے لگے مردوں پہ تلاوت قرآں

خوب کرتے ہیں تلاوت، پہ عمل کرتے نہیں۔۔
ایسے قاری پہ تو خود کرتا ہے  لعنت قرآں

دیکھ کر مصحف ناطق کی جہاں میں آمد
کر رہا ہے رخ مہدی کی تلاوت قرآن۔۔۔۔۔۔۔

آج بھی سارے فصیحان عرب ہیں گونگے
دیکھ کر تیرا یہ اعجاز بلاغت قرآں۔۔۔۔

  دے رہا ہے یہ صدا   آج  بھی قول- احمد
ایک ہی نور کے دو  نام  ہیں عترت، قرآن

 اس لئے دور منافق سے رہا کرتا ہوں
کیونکہ کرتا ہے منافق کی مذمت قرآں

جس سے واقف ہیں محمد کے گھرانے والے
 ہے وہ گنجینہء اسرار مشیت قرآں۔۔۔۔۔۔۔۔

جو شفا اور ھدی دیتا ہے انسانوں کو
ہے وہی دار شفا، نور ھدایت قرآں 

 بالیقیں بر سر محشر یہ کرے گا نوری
 اپنے ہر متقی قاری کی شفاعت قرآن

 

محمد ابراہیم نوری

رباعیات

 

 

 

 

 

رباعیات 1

قرآن کی آیات بھی  کچھ یاد نہیں

ارشاد و ہدایات بھی کچھ یاد نہیں

توبہ ہے کہ جاہل بھی ہے اب منبر پر

تفسیر و روایات بھی کچھ یاد نہیں

 

رباعی 2
آئینہء اوصاف_ علی ہیں زینب
زہرا کے گلستاں میں کھلی ہیں زینب
دربار_ ستمگر پہ ہے طاری لرزہ
حیدر کی زباں بول رہی ہیں زینب

رباعی 3

یہ بات حقیقت ہے کہانی نہیں ہے
اے ثانئ زہرا  ترا ثانی نہیں ہے
دنیا کو سکھایا غم_شبیر کا ڈھب  
تجھ سا تو عزاداری کا بانی نہیں ہے

رباعی 3

تیری ثنا سے گنگ زباں ہے  زہرا
باقی  ترے ہی دم سے جہاں ہے زہرا
زہرا کے سوا کس نے یہ پایا ہے شرف
دخترکے ساتھ باپ کی ماں ہے زہرا

 

رباعی 4
شان_ نزول_ سورہء کوثر تو ہے
یعنئ  جواب_ طعنہ ءابتر تو ہے
سادات کی کثرت ہے زمانے میں  گواہ
  زہرا بقائے نسل_پیمبر تو ہے

 

رباعی 5

اللہ کا گھر  جائے ولادت ہے تری
بے مثل  یہ دینا  میں فضیلت ہے تری
کہتا ہے یہی قول_رسول_ عربی
مومن  کی علامت  بھی محبت ہے تری

 

رباعی 6

اللہ کا گھر جائے ولادت ہے تری

بے مثل یہ دنیا میں فضیلت ہے تری

کہتا ہے یہی قول_ رسول_ عربی

مومن کی علامت بھی محبت  ہے تری

 

رباعی 7

اس بات پر پہلے کبھی سوچا ہی نہیں

نکتہ یہ کبھی ذہن میں آیا ہی نہیں

تکیہ کریں دنیا میں کسی پر کیسے

اے زندگی جب تیرا بھروسہ ہی نہیں

 

کلام کبریا

باالیقیں لوگو کلام کبریا قرآن ہے...
عبد اور معبود میں اک رابطہ ہے...

امتیاز اھلبیت مصطفی ہے بے مثال....
جنکے گھر کا بچہ بچہ بولتا ہے...

وہ گرفتار عذاب قبر ہو سکتا نہیں. ..
جس کے ظرف ذہن و دل میں بس گیا قرآن ہے...

نقطہء با کے بنا قرآن فہمی ہے محال...
بائے بسم اللہ میں سمٹا ہوا قرآن  ہے...

یوں لگا دوش نبی پر مرتضی کو دیکھ کر
جیسے اک قرآن پہ رکھا دوسرا قرآن ہے
.
مقصد تنزیل قرآں بھول ہی بیٹھے ہیں ہم...
گھر کے طاقوں میں سجا کر رکھ دیا قرآن ہے.. 

اے مسلماں دیکھ حبل اللہ کے دو(2 ) ہیں سرے...
اک سرا آل محمد،دوسرا قرآن ہے...

حشر میں ھوگا لب احمد پہ یہ حرف گلہ...
ترک امت نے میری یا رب کیا قرآن ہے..

نوک نیزہ پر کٹے سر کی تلاوت دیکھ لو!
اب نہ کہنا آل احمد سے جدا قرآن ہے...

دور ہے نوری سقیفائی نظام دین سے...
رہنما  اپنا غدیری،راستہ قرآن ہے...

کلام:محمد ابراہیم نوری