Sunday, 21 June 2020، 07:15 PM
کشمیر
"کشمیر"
تو ہی حل کر دے خدایا مسئلہ کشمیر کا
ختم ہو اب جلد قصہ ظلم کی شمشیر کا
کربلا کی یاد دل میں پھر سے تازہ ہوگئی
برسر قرطاس لکھا نام جب کشمیر کا۔۔.۔۔
ہر ورق تصویر کے ہمراہ تھا اخبار میں۔۔۔
پر کوئی صفحہ نہ تھا مظلوم کی تصویر کا
کربلا بحرین و کشمیر و فلسطین و یمن۔۔۔۔۔۔۔۔
ہے ہدف ان مین میں سے ہر اک عالم تکفیر کا
ظلم کا تختہ الٹنے کے لئے کشمیریو
لو سہارا انقلاب حضرت شبیر کا.
ایک دن آزاد ہوگا دیکھنا کشمیر بھی
کیا نہیں رشتہ جڑا ہے خواب سے تعبیر کا؟
مدعئ امن عالم جانب کشمیر دیکھ
روز اٹھتا ہے جنازہ یاں جوان و پیر کا۔۔۔
تم خلاف ظالمان وقت ہاں لکھتے رہو ۔۔۔۔
کچھ نہ کچھ ہوگا اثر نوری تری تحریر کا
محمد ابراہیم نوری
