ثانی زہرا س

 

رباعی

 

یہ بات حقیقت ہے کہانی نہیں ہے

اے ثانئ زہرا  ترا ثانی نہیں ہے

دنیا کو سکھایا غم_شبیر کا ڈھب  

تجھ سا تو عزاداری کا بانی نہیں ہے

زینب ع

رباعی

 

آئینہء اوصاف علی ہیں زینب

زہرا کے گلستاں میں کھلی ہیں زینب

دربار_ ستمگر پہ ہے طاری لرزہ

حیدر کی زباں بول رہی ہیں زینب

بعثت

تیرہ شبی میں حق کی ضیا ہے بعثت

وجہ عروج _عبد خدا ہے بعثت

قرآن  کی  آیات  ہیں   شاہد  نوری

لب ہای خلیلی   کی دعا ہے بعثت

متاع عشق و محبت

متاع عشق و محبت تو پاس ہے پھر بھی

 

متاع عشق و محبت تو پاس ہے پھر بھی

نہ جانے کیوں یہ میرا دل اداس ہے پھر بھی

 

یمارے عہد میں یہ حال صنف نسواں ہے

لباس جسم پہ ہے، بے لباس ہے پھر بھی

 

نہ جانے کس لئے ہے مبتلائے کار_ جنوں

وہ شخص صاحب_ ہوش و حواس ہے پھر بھی

 

گھلا ہے اس کے سخن میں تو زہر نفرت کا

پہ اسکو حرف محبت کا پاس ہے پھر بھی

 

اگرچہ شہر سے رخصت ہوئی ہوائے اجل

پہ چھایا شہر پہ خوف و ہراس ہے پھر بھی

 

میں جانتا ہوں کہ وہ میرا ہو نہیں سکتا

پہ دل کا کیا کروں اس دل کو آس پے پھر بھی

 

وہ مجھ کو دیکھ کے پہچان کیوں نہیں پایا

وہ شخص یوں تو قیافہ شناس ہے پھر بھی

 

ترس رہی ہے مری زندگی خوشی کے لئے

 زبان _نوری پہ  حرف_ سپاس ہے پھر بھی

فقیہ دین رسول امین

 

فقیہ_ دین  رسول امین 

 

زمین_ علم و بصارت کے آسمان ہو تم

مطیع_ حکم_ خداوند_ دو جہان ہو تم

ستم کے شہر میں مظلوم کی زبان ہو تم

نظام دین و ولایت کے پاسبان ہو تم

 

یہ کہہ رہی ہے تمہاری جبین خامنہ ای

فقیہ_ دین_ رسول_ امین خامنہ ای

 

محمد ابراہیم نوری